الثريد دا للفضفضه وللنصايح واللي يعتبر بديل الانتحار حاليا بنسبالي انا عندي 20 سنه ومن وانا صغير كنت دايما قاعد عالكمبيوتر ويريتني كنت بتعلم حاجه مفيده زي البرمجه، لا كان العاب وانمي بس لحد لما كبرت بقيت متوحد وضعيف الشخصيه وخجول وجسمي وحش انا في كليه حاسبات ومعلومات والمفروض انها كليه بتعمل فلوس حلوه بس انا مش حابب اكمل فالمجال دا لاني زهقت من اقعده عالكمبيوتر والتوحد والعزله، وقررت اني عايز اغير مجالي لحاجه تانيه فيها اختلاط مع الناس، وعايز اختلاط مش زي اي اختلاط، اختلاط يكون دايما طول الوقت مع ناس عايزه توقعني او ناس عايزه تموتني، عايزاخش مجال فيه مخاطر كتير، اخسر فيه حجات كتير لحد لما اوصل لمرحله اني معدش عندي حاجه اخسرها، اوصل لمرحله اني مبقاش طفل لاني بكره شخصيتي الطفوليه واللي اظن واضحه فشخ في كلامي الاهبل دا، بس عايز اتحسن i want to face the storm so that i can become the storm. اشتريت كتب كتير لكاتب معروف اسمه روبرت جرين زي كتاب 48 rules of power وحجات تانيه شبه دي كتير بس المشكله ان فالحياه اليوميه العاديه دي واللي يعتبر اروش حاجه فيها الجامعه انت مش هتقدر تطبق الكلام اللي فالكتب دي، فانا عايز اعيش حياه مليانه اكشن و اثاره وحياه بستكشف فيها حجات كتير، اعمل فلوس كتير واخسرها كلها وارجع اعمل اكتر منها، اتحرك كتير وكل يوم ميبقاش شبه التاني، اقابل شخصيات كتير روشه تخيلي عمال افكر اتعامل معاها ازاي طول الوقت واشياء من هذا القبيل